Yazar: Aliyar Kamran

Tanınmış azərbaycanlı fəal, “YENI GAMOH”un baş katibi doktor Lətif Həsəni cümə günü , 18 mart 2022-cı il, Yeni il (Oğuz Bayramı) ərəfəsində videomüraciətində son günlər baş verənləri şərh edir. hadisələr, o cümlədən Rusiyanın Ukraynaya təcavüzü və onun nəticələri və s., Azərbaycan xalqını, dünya Türklərini və qonşu xalqları Yeni il münasibəti ilə təbrik etdi və bütün siyasi məhbusların azadlığa buraxılmasına çağırdı Doktor Həsəni şəxsi İnstaqram səhifəsində paylaşib

Şərqi Azərbaycan Apellyasiya Məhkəməsinin 6-cı şöbəsinin verdiyi hökmə əsasən, cənab Həsəni 2021-ci il fevralın 16-da, doqquz illik cəzasının bitməsinə bir ay qalmış Rəcai Şəhr zindanından azad edilib

Qəzvin əyalətinin Əlborz Sənaye Şəhərciyində yerləşən “Pars Pamçal” boya fabrikinin işçiləri 6 aydır əmək haqlarının və bayram ödənişləri ala bilmir.

Buna etiraz edən işçilər əmək və sığorta haqlarının qeyri-müntəzəm ödənilməsi səbəbindən davamlı olaraq problem yaşadıqlarını, məişət çətinliklərinin həllində aciz qaldıqlarını deyiblər.

İşçilər əmək haqlarının ödənilməsi, siğorta xidmətlərindən istifadə ilə bağlı bundan öncə fabrik rəhbərliyinə etdiyi müraciətlərin hamısının cavabsız qaldığını qeyd ediblər.

“Əlinin ədaləti” kiber qruplaşması İranın Kəşfiyyat Nazirliyinin siyasi, milli və ictimai fəalların ölkədən çıxması ilə bağlı planını əks etdirən daha bir sənədini ifşa edib.

İranda təhlükəsizlik və məhkəmə qurumları fəalların və müxaliflərin İran daxilində mövcud olmasının zərərinin onun faydalarından daha çox olduğu qənaətinə gəldikdə, onları ölkəni tərk etməyə məcbur edirlər.

“Əlinin ədaləti” kiber qrupunun BBC-yə təqdim etdiyi bu sənəddə, habelə ETTELAAT-ın Tehran İnqilab Keşikçiləri Korpusuna müdaxilə etdiyi və Kəşfiyyat Nazirliyinin müxaliflərin şəxsi həyatına nəzarət etdiyi qeyd edilib.

Sənəddə 4 müxtəlif mövzudan danışılır.

Birinci bəndin mövzusu azərbaycanlı siyasi və insan haqları fəalı Nərgiz Məhəmmədinin “çıxış qadağasının götürülməsi” və xanım Məhəmmədinin “özünü məzlum kimi göstərmə” və “xitab olunanların hisslərini təhrik etmək”lə mediadan sui-istifadə etməsinə dair fikirlərdir.

Sənəddə bildirilir ki, Nərgiz Məhəmmədinin ölkədən çıxışına qoyulan qadağa onun insan haqları təşkilatları, xaricdə olan fəallar və televizya kanalları ilə əlaqəsinin kəsilməsinin qarşısını ala bilmir və o onlayn şəkildə xarici mətbuata müsahibə verməkdə davam edir.

Bununla yanaşı sənəddə azərbaycanlı fəal Nərgiz Məhəmmədinin timsalında xaricdə yaşayan müxaliflərin arasında ixtilaf yaradaraq onları bir-birlərinə qarşı qoymaq planları barədə qeydlər var.

Adı çəkilən gizli sənəd 6 noyabr 2022-ci il tarixinə, Nərgiz Məhəmmədi barədə həbs qərarı çıxarılmadan öncəyə aiddir.

Qeyd edək ki, zənganlı jurnalist və hüquq müdafiəçisi Nərgiz Məhəmmədi yanvarın 15-də Tehranın İnqilab Məhkəməsinin 26-cı bölməsinin çıxardığı qərara görə 8 il həbsə və 70 şallaq zərbəsinə məhkum edilib.

Əslən Güney Azərbaycanın Zəncan şəhərindən olan və iki uşaq anası olan Nərgiz Məhəmmədi bundan əvvəl insan hüquqlarının müdafiəsi ilə bağlı apardığı dinc fəaliyyətlərinə görə dəfələrlə həbsə salınıb.

Rejim məmurları tərəfindən mütəmadi olaraq, təhdid edilərək təzyiqlərə məruz qalıb.

Şərqi Azərbaycan əyalətinin Apellyasiya Məhkəməsinin 36-cı bölməsində Əli Əhmədinin başçılığı ilə keçirilən məhkəmə toplantısında Təbrizdə yaşayan milli-mədəni fəal Yusif Sələhşur barədə yen qərar çxıarılıb. Milli fəal ona qarşı irəli sürülən ittihamlardan bəraət alıb.

Bundan öncə Təbrizin Cəza Məhkəməsinin 111-ci bölməsində təbrizli milli-mədəni fəal və sənətçi Yusif Sələhşurun məhkəmə iclası keçirilib.

Noyabrın 15-də hakim Rza Fruğinin başçılığı ilə keçirilən məhkəmədə milli-mədəni fəal “səs-küy salmaq və qanunsuz aksiyaya qoşulmaqla ictimai asayişi pozmaq”da ittiham edilib.
İttihama görə milli fəal 22 milyon 200 min tümən cərimə və 37 qamçı cəzası qərarı çıxarılıb.

Yusif Sələhşur 25 iyul tarixində təhlükəsizlik məmurları tərəfindən Təbrizdə saxlanılıb.

O, dindirilmə prosesi bitdikdən sonra 11 avqustda Təbriz zindanına köçürülüb və 14 avqustda girov qarşılığında müvəqqəti olaraq məhkəməyə qədər azadlığa buraxılıb.

Qeyd edək ki, mədəni fəal Yusif Sələhşur Azərbaycan milli rəqsləri üzrə müəllim kimi fəaliyyət göstərir.

Bundan öncə mədəni fəaliyyətlərinə görə dəfələrlə saxlanılıb və basqılarla qarşılaşıb.

Qeyd edək ki, iyulun 24-də Təbrizdə Əhvaz ərəblərinin su üsyanına dəstək mitinqi keçirilib.

Aksiyada “Azərbaycan Əl-Əhvaz, İttihad ittihad” və kimi şüarlar səsləndirilib.

Təbriz sakinləri bu aksiya ilə hökumətin digər millətlərə qarşı ayrı-seçkilik siyasətinə etiraz edib.

Etiraz aksiyası keçirilən gün, ondan öncə və sonrakı günlərdə onlarla azərbaycanlı fəal saxlanılıb.

Saxlanılanlar dindirildikdən sonra Təbriz zindanına köçürülüb, sonradan ağır girov qarşılığında müvəqqəti olaraq məhkəməyə qədər azadlığa buraxılıb.

Almaniyanın qərbində yerləşən Munster şəhər polisi martın 17-də şəhərdəki “İmam Mehdi” məscidini bağlayıb.

“Aznews tv”nın xəbərinə görə, Almaniyanın “Bild” qəzeti polisin məscidə basqın etməsi və bu məscidə bağlı iki nəfərin dindirilməsi barədə yazıb ki, sözügedən İslam mərkəzi və onu idarə edənlər Almaniyanın ana yasasını pozmuş ola bilərlər.

Şəhər polisinin sözçüsü Antoniya Linenbrik mərkəzin əmlakının müsadirə olunduğunu təsdiq edərək, “Biz, habelə ana qanuna zidd fəaliyyətlə bağlı sübutlar axtarırıq” deyib.

Bu xəbəri dərc edən “The Jerusalem Post” qəzeti bildirib ki, məscidin bağlanması ilə bağlı addım İranın dəstəklədiyi Livanın Hizbullah qruplaşmasıına bağlı ünsürlərin bu mərkəzdə fəaliyyət göstərməsi ilə bağlı yayılan xəbərlərdən sonra atılıb.

Xatırladaq ki, Almaniya hökuməti 2020-ci ildə Hizbullahın bu ölkədə bütün fəaliyyətlərini qadağan edib. Bununla yanaşı, Munster şəhərinin də yerləşdiyi Ren-Vestfalya əyalətinin ötən 20 il ərzində Hizbullah dəstəkçilərinin Avropadakı fəaliyyət mərkəzlərindən biri olması barədə xəbərlər yayılıb.

Onlar İranın müxtəlif zindanlarında dar ağacından asılıblar.

Martın 15-də İranın müxtəlif zindanlarında saxlanılan məhkumlar dar ağacından asılaraq edam ediliblər.

Şərşənbə günü səhər saatlarında Kərəc şəhərinin “Rəcaişəhr” zindanında qətldə ittiham olunan 3 məhkum dar ağacından asılıb.
Eyni gündə başqa bir məhkumun edam cəzasının icrası İsfahan şəhərinin “Dəstgird” zindanında həyata keçirilib.

Bununla yanaşı narkotikm qaçaqmalçılığı, oğurluq və qətldə ittiham olunan və Şiraz şəhərinin “Adilabad” zindanında saxlanılan 4 məhkum edam edilib.

Onlardan birinin Əfqanistan vətəndaşı olduğu və qətldə ittiham olunaraq 5 il öncədən Şiraz zindanında saxlanıldığı bildirilir.

Qeyd edək ki, İran İnsan Haqları Təşkilatının fevral ayına olan hesabatında son bir ayda İranda 23 məhkumun edam edildiyi yazılıb.

Birləşmiş Millətlər Təşkilatı (BMT) bundan əvvəl İranda insan haqlarının pozulması ilə bağlı illik hesabatında təkcə 2021-ci ildə ən azı 275 nəfərin edam edildiyini bildirmişdi.

İnsan haqları təşkilatlarının məlumatına görə, İranda edamların faktiki sayı İran hökumətinin açıqladığı rəqəmlərdən daha çoxdur.

İran İslam Respublikası ölkə əhalisinin sayına nisbətən həyata keçirdiyi edamların sayına görə dünyada 1-ci yeri tutur.

Onlar İran-Britaniya vətəndaşıdırlar.

İran-Britaniya vətəndaşı olan Nazənin Zağəri Retklifin və Ənuşe Aşuri İran zindanından buraxılaraq martın 16-ı axşam saatlarında Tehranı tərk ediblər.

Britaniyanın xarici işlər naziri Liz Truz özünün sosial media hesabında etdiyi paylaşımda faktı təsdiq edib və İranda həbsdə olan başqa britaniyalı məhkum Murad Tahbazında İrandan çıxmasına çalışdıqlarını yazıb.

Sözügedən Britaniya-İran vətəndaşlarının Məhəmmədrza Şah Pəhləvi dövründə İngiltərənin “Çiftayn” tanklarının alınmasına görə İrana olan 520 milyon dollar borcunun ödənilməsi ilə bağlı danışıqların müqabilində sərbəst buraxıldığı bildirilir.

Xatırladaq ki, bir neçə gün öncə Britaniyadan bir qrup rəsmi şəxs onların azadlığa buraxılması ilə bağlı danışıqlar aparmaq üçün Tehrana səfər etmişdilər.

Britaniya hökumətinin iki vətəndaşının azadlığa buraxılması üçün İran hökumətinə ödəniş etməsi iranlı sosial media istifadəçiləri və insan haqları fəallarının fərqli reaksiyaları ilə qarşılaşıb.

Onlar Britaniya hökumətinin əməlini İran mollalarına xərac vermək kimi dəyərləndirib və İran zindanlarında ağır şərayitdə saxlanılan minlərlə siyasi məhbusun müdafiəsiz olduqlarını qeyd ediblər.

Qeyd edək ki, İran rejimi son illər ölkəyə səfər edən bir sıra xarici vətəndaşları, o cümlədən də ikili vətəndaşlığı olan şəxsləri həbs etməklə, onlardan bəzilərini Avropa və Amerika zindanlarında saxlanılan özünə bağlı məhbuslarla mübadilə edib.

Qərb ölkələri isə bildirirlər ki, İran rejimi xarici ölklərin vətəndaşlarını və ikili vətəndaşlığı olan şəxsləri əsassız ittihamlarla girov götürməklə, onların azadlığa buraxılması qarşılığında xarici dövlətlərdən imtiyaz almağa çalışır.

İranın Aviasiya Təşkilatının sədri ölkədə təyyarələrin təmiri və saxlanması ilə bağlı vəziyyətin çətin olduğuna toxunaraq, təyyarələrin ehtiyat hissələrinin Avropadan tədarük olunacağına ümid etdiyini bildirib.

“Aznews tv” xəbər verir ki, Məhəmməd Məhəmmədibəxş bu barədə deyib: “Nüvə anlaşması dövründə iki təyyarə qrupu – bir “Airbus” və bir “ATR” qrupu satın alınıb, lakin Avropanın təyyarələrə texniki xidmətlərin göstərilməsinə dair öhdəliyinin olmaması və eühtiyat hissələrinin davamlı tədarük edilməməsi səbəbindən İran üçün təyyarələri saxlamaq çox çətinləşib”.

Sonda sanksiyaların təyyarələrə texniki xidmət sənayesinə təsiri baradə danışan Məhəmmədibəxş Qərb sanksiyalarının sözügedən sahəyə güclü mənfi təsirini etiraf edib.

Qərbi Azərbaycanda çərşənbə şənliklərində yüzlərlə insan yaralanıb. Bu barədə Qərbi Azərbaycan əyalətinin Tibb Elmləri Universiteti məlumat yayıb.

Universitetin Təcili Tibbi Yardım və Qəzaların İdarə Edilməsi Mərkəzinin başçısı Baqir Bəhraminin mediaya verdiyi açıqlamasına görə, martın 15-i gecə saatlarında havayi fişənglər və partlayıcı maddələrdən istifadə nəticəsində 86-ı qadın olmaqla toplam 226 nəfər yaralanıb.

Onun sözlərinə görə, bir neçə nəfər əl və barmaqlarını, çox sayda insan isə gözündə aldığı xəsarət nəticəsində görmə qailiyyətini itirib.

Şərqi Azərbaycan əyalətinin Təcili Yardım Mərkəzinin sözçüsü Vəhid Şadiniya isə martın 16-da mediaya əyalət üzrə yaralananlar barədə məlumat verib.

O, martın 15-i gecə saatlarında Şərqi Azərbaycan əyalətinin müxtəlif şəhərlərində çərşənbə axşamı mərasimlərində 249 nəfərin müxtəlif dərəcəli bədən xəsarətləri aldığını bildirib.

Şadiniya yaralananların 54%-nin 18 yaşdan aşağı yaş qrupuna aid olduqlarını deyib.

İran Səhiyyə Nazirliyinin verdiyi məlumata görə, şənlik mərasimlərində ölüm və yaralanma hallarına görə, ilk yerdə Tehran, ikinci və üçüncü yerdə isə Qərbi və Şərqi Azərbaycan əyalətləri dayanır.

Sina Yusifi İran hökumətinin uşaqlara türk adlarının qoyulmasını qadağan etməsini pisləyib.

Güney azərbaycanlı hüquqşünas və Şərqi Azərbaycan Vəkillər Kollegiyasının İnsan Haqları Komissiyasının sədr müavini Sina Yusifi özünün sosial media hesabında İran Qeydiyyat İdarəsinin uşaqlara türk adlarının qoyulmasına qarşı tətbiq etdiyi qadağaları pisləyib.

“Bu günlər İran Qeydiyyat İdarəsinin azərbaycanlı uşaqlara türk adlarının qoyulmasını qadağan etməsi və sənədləşdirməməsi o qədər çoxalıb ki. hər gün onlarla insan Qeydiyyat İdarəsinə qarşı şikayət etmək üçün müraciə edirlər. Bu, güc, polis və güllə hesabına insanların ilkin hüquqlarını pozmaqdır”-deyə, vəkil yazıb.

Qeyd edək ki, İran Qeydiyyat İdarəsinin azərbaycanlı uşaqlara türk adlarına görə kimlik vəsiqəsi verməməsi valideynlərin etirazları ilə qarşılanır və onlar məsələni sosial mediada ictimailəşdirməyə məcbur olurlar.

İnsan haqları sahəsində fəaliyyət göstərən Ərk Cəmiyyəti məsələ ilə bağlı  Beynəlxalq İnsan Hüquqları Müşahidəçiləri, İrqçiliyə Qarşı Komitə, Birləşmiş Millətlər Təşkilatının Uşaq Hüquqları Komitəsi və başqa beynəlxalq təşkilatlara şikayət və hesabatlar göndərib.

Bu hesabatda “İran İslam Respublikası tərəfindən türklərə qarşı insan ləyaqətinin davamlı təhqir olunması” da vurğulanıb.

Uşağın anadan olandan bəri ona adının seçilməsinin azad olması ilə əlaqədar verilən hüquq 1989-cü ildə yazılmış Uşaq Hüquqları Konvensiyasının 7-ci maddəsində qeyd edilmiş birinci insan hüquqlarından birisidir.

Ermənistanın paytaxtı İrəvan şəhərində “Aran və Şirvanda Nizami Gəncəvi və farsca danışıq” mövzusunda konfrans keçirilib.

“Aznews tv”xəbər verir ki, martın 14-də İrəvan Dövlət Universitetinin İranşünaslıq kafedrası tərəfindən böyük “İran şairi” Nizami Gəncəvinin anım həftəsi münasibəti ilə konfrans keçirilib.

Qeyd edək ki, İran və Ermənistan adı Azərbaycanla bağlı bir sıra məsələlərdə olduğu kimi, onun şairlərini də öz adlarına çıxarmağa cəhd edirlər. Orta əsrlərdə dövrün tələbi ilə farsca yazan və Gəncə şəhərində dünyaya gələn dahi Azərbaycan şairi Nizami Gəncəvinin məhz farsca yazmasından məharətlə sui-istifadə edən İran rejimi bu planlarının davamını 20-ci əsrdə məşhur təbrizli Məhəmməd Hüseyn Şəhriyarın yenə rejim tərəfindən mənimsənilməsində təkrar edib. Bu məkrli siyasətdə isə işğalçı Ermənistan rejimi həmişəki kimi yenə İran hakimiyyətinin yanında yer alır.

Güney Azərbaycanın partiya və təşkilatlarından Ukrayna Prezidentinə və Millətinə dəstək məktubu
Ukrayna Prezidenti Zati-aliləri Vladimir Zelenski
Sizə və cəsur Ukrayna xalqına salamlar və uğurlar
Təəssüf ki, dünya demokratiya və insan haqları dövründə avtoritar və diktator bir insanın amansız faciəsinə şahidlik edir. Günlərdir ki, cəsur Ukrayna xalqı Vladimir Putinin başçılıq etdiyi rus ordusunun işğalına məruz qalıb və milyonlarla Ukraynalı öz evindən və vətənindən didərgin düşüb. Təəssüf ki, hər keçən gün faciənin dərinliyi daha da artır və qarşı tərəf öz hərbi gücünə arxalanaraq daha çox cinayət törədir. Hər gün mülki ərazilər, xüsusilə müdafiəsiz uşaq və qadınlar bombalanaraq insan haqları və beynəlxalq hüquq dəyərləri göz ardı edilir və zorakılığa məruz qalır. Ancaq Ukrayna xalqı azadlığı, ədaləti, insan haqlarını və demokratiyanı müdafiə etmək, böyük bədəl bahasına vətənini qorumaq üçün hər gün daha çox mübarizə aparır.
Son bir neçə ildə Ukrayna xalqı minlərlə vətəndaşının həyatını qurban verərək bu faciəvi təcrübəni dəfələrlə yaşayıb, lakin dünya bu ədalətsizliyi, zülmü və təcavüzü ancaq seyr edib. Vladimir Putinin Krım yarımadası və Donbasdakı aqressiyasına və işğalına qarşı bu laqeydlik və hərəkətsizliyin nümunələrini gördük.
Cəsur Ukrayna Xalqının Prezidenti Zati-aliləri Vladimir Zelenski
Bildiyiniz kimi, Azərbaycan torpağı dəfələrlə rus imperializminin işğalına məruz qalıb və rus təcavüzü nəticəsində Azərbaycan quzey və güney hissələrinə parçalanıb, xalqımız əzab-əziyyətlə dolu bir tarix yaşayıb. Quzey Azərbaycan nəhayət Rusiya işğalından qurtulsa və müstəqilliyini geri qazansa da, Güney Azərbaycan hələ də Putinin yaxın müttəfiqi olan və onu dəstəkləyən İran-Fars müstəmləkəçiliyi altındadır. Məhz buna görə də işğal, təcavüz, məcburi köç, müstəmləkəçilik və müəyyən mənada öz müqəddəratını təyin etmək hüququndan məhrum edilmə əzabları bizim, Güney Azərbaycan xalqının və qəhrəman Ukrayna xalqının ortaq dərdidir.
Biz hesab edirik ki, Putin rejimi beynəlxalq hüququ kobud şəkildə pozaraq Ukraynanın ərazi-milli və siyasi müstəqilliyini pozub, Ukraynada qeyri-qanuni olaraq hərbi güc tətbiq etməklə, habelə mülki hədəfləri hədəfə almaqla insanlıq əleyhinə cinayətlər və müharibə cinayətləri törədib.
Biz Güney Azərbaycan təşkilatları və partiyaları Ukrayna xalqının işğalçı Rusiya ordusuna qarşı qəhrəmancasına müqavimətini dəstəkləməklə yanaşı, bütün hökumətləri, təşkilatları və insan haqları qurumlarını Ukrayna xalqına dəstək və yardım etməyə çağırırıq. Biz inanırıq ki, Ukrayna xalqının müqaviməti vətənin müdafiəsi və öz milli müqəddəratını təyin etmək hüququdur və Sizin müdrik rəhbərliyinizlə yaxın gələcəkdə bu işğal müharibəsində Ukrayna xalqının qələbəsini görəcəyik.
Rusiyanın Ukraynaya qarşı başlatdığı işğalçı müharibəyə İranın faşist və diktatura rejiminin dəstəyini də pisləyirik və qınayırıq.
Yaşasın Ukrayna
Yaşasın Azərbaycan və Ukrayna xalqlarının dostluğu

Güney Azərbaycan Təşkilatlar İş Birliyi:
1- Azadlıq Cəbhəsi (GAMAC)
2- Azərbaycan Mərkəz Partiyası (AMP)
3- Azərbaycan Milli Dirəniş Təşkilatı (Dirəniş)
4- Azərbaycan Öyrənci Hərəkatı (AZOH)
5- Güney Azərbaycan Demokrat Partiyası (GADP)
6- Güney Azərbaycan İstiqlal Partiyası (GAİP)
7- Güney Azərbaycan Liberal Demokrat Partiyası (GALDP)
8- Güney Azərbaycan Milli Oyanış Hərəkatı (GAMOH)
9- Güney Azərbaycan Demokratik Türk Birliyi (GADTB)

Bəyanatda şəbəkə üzvlərinin İsrailə bağlı olduğu və onların pul qarşılığında təxribat əməliyyatına cəlb edildiyi iddia olunur.

“İsrail tərəfindən cəlb olunan şəbəkə üzvləri yaz bayramından öncə nüvə təsisatında təxribata əl atmaq niyyətində olublar. Ancaq Nüvə Obyektlərinin Mühafizəsi Komandanlığı və əks kəşfiyyat idarəsinin birgə əməkdaşlığı nəticəsində şəbəkə üzvləri ifşa olunub”-deyə, SEPAH-ın yaydığı bəyanatda iddia olunur.

İslam İnqilabı Keşikçiləri Korpusu yaydığı başqa bir bəyanatda “Sistan və Bəlucistan əyalətində infrastruktur layihələrində çalışan bir neçə xarici vətəndaşı öldürmək missiyası ilə ölkəyə daxil olmuş 6 silahlı terrorçunu həbs etdiyini” iddia edib.

Qeyd edək ki, son həftələr İsrailin İranın nüvə obyektləri və hərbi mərkəzlərinə endirdiyi zərbələr qarşısında aciz qalan Tehran rejimi “İsrailə bağlı casus şəbəkələrinin ifşası” ilə bağlı xəbərlər yayır.

Xarici və İran hökumətinə müxalif media qurumları təhlükəsizlik nümayəndələri və SEPAH-ın casus şəbəkələrinin ifşası ilə bağlı iddialarını əsassız sayır və bu bəyanatları ölkə daxilində ictimai rəydə özlərinə qarşı rəğbət yaratmaq cəhdi kimi dəyərləndirirlər.SEPAH nüvə təsisatlarında təxribat törətmək istəyən şəbəkə üzvlərinin saxlandığını iddia edib Edit Post

.

“Aznews tv”xəbər verir ki, məsələ ilə bağlı yayılan bəyanatda İraqın milli suverenliyinə hörmət edilməsinin və bu ölkəni münaqişə meydanına çevirməkdən çəkinməyin vacibliyi vurğulanaraq, İraq mərkəzi hökumətindən İranın hərəkətləri ilə bağlı Təhlükəsizlik Şurasına şikayət edilməsi istənilib.

Ali Məhkəmə Şurası İranın Ərbilə raket hücumlarına cavab olaraq Amerikanın rəhbərlik etdiyi beynəlxalq koalisiya və İraq parlamentini qətiyyətli addımlar atmağa və yanaşma sərgiləməyə çağırıb.

Qeyd edək ki, Şimali İraq Kürd Muxtariyyətinin Terrorla Mübarizə Alayı (یگان) bazar günü yaydığı bəyanatda Ərbil şəhərinə şərqdən 12 ballistik raketlə hücum edildiyini bildirib. Daha sonra isə SEPAH bu hücumun məsuliyyətini öz üzərinə götürdüyünü açıqlamışdı.

Martın 13-də təqaüdçülər yeni ildə 7-ci dəfə olaraq etiraz aksiyasına əl atıblar.

Martın 13-də Güney Azərbaycanın Ərdəbil və Təbriz şəhərlərində təqaüdçülər yeni ildə 7-ci dəfə olaraq etiraz aksiyası keçiriblər.

Etirazçılar hər iki şəhərdə Sosial Təminat İdarəsinin binaları qarşısına toplaşaraq maaş və pensiyaların aşağı olmasından, əlavə sığorta problemlərindən və həyat şəraitinin pis olmasından şikayətlənib.

Yaşayış şəraitlərinin günü-gündən çətinləşdiyini bildirən narazılar təqaüdlərin artırılmasını tələb edib.

Qeyd edək ki, bu azərbaycanlı təqaüdçülərin son iki ay yarımda sayca 7-ci etiraz aksiyalarıdır və onlar istəklərinin yerinə yetirilmədiyi müddətcə həftəlik aksiyalarını davam etdirəcəklərini bildiriblər.

Qeyd edək ki, 27 yaşlı Məhsa Kəmali Güney Azərbaycanın Zəngan şəhərində dünyaya gəlib və Azərbaycan türküdür.

Qadınlardan ibarət “Mis-i Rəfsəncan” və “Palayiş-i Abadan” futzal komandalarının oyununda zənganlı futzalçı və İranın milli yığmasının üzvü Məhsa Kəmali qol vurduqdan sonra formasının altında “müharibəni dayandırın” yazısını göstərdiyi üçün komandadan qovulub.

Qeyd edək ki, 27 yaşlı Məhsa Kəmali Güney Azərbaycanın Zəngan şəhərində dünyaya gəlib və Azərbaycan türküdür.

O. bundan öncə 2018-ci ildə Asiya Futzal Yarışlarında İranın qadınlardan ibarət futzal komandasının birinci yeri tutmasındakı roluna görə mükafatlandırılmışdı.

Xanım idmançının Rusiyanın Ukraynaya təcavüzünü pisləyən şüarı klub rəhbərliyinin acığına gəlib və onlar belə halların yolverilməz olduğunu deyiblər.

“Mis-i Rəfsəncan” klubu məsələ ilə bağlı bəyanat yayıb və oyunçunun qovulmasını onun klub qaydalarına zidd olaraq siyasi hərəkət etməsi göstərilib.

Son günlər başda İranın ali rəhbəri Əli Xamneyi olmaqla İran rəsmiləri, o cümlədən prezident İbrahim Rəisi və başqa vəzifəlilər Ukraynadakı mövcud vəziyyətə münaisbət bildiriblər.
Onlar Rusiyanın bu ölkəyə hücumuna görə ABŞ və NATO-nu günahlandırıb, Amerikanı “şeytan” adlandırıblar.

İran hakimiyyətinin Rusiyanın iddialarını dəstəkləyən mövqeyi sosial mediada geniş mənfi reaksiyalarla qarşılanıb.

Bu barədə Əkbər Nəiminin yaxınları məlumat veriblər.

Güney Azərbaycanın Xoy şəhərindən olan və uzun müddətli həbsə məhkum edilən mədəni fəal Əkbər Nəiminin yaxınlarının verdiyi məlumata görə, zindan məsulları  onun məzuniyyətə buraxılması ilə bağlı müraciətlərə cavab vermirlər.

Onların dediyinə görə, koronovirusun İran zindanlarında yenidən yayılmasına və çox sayda məhkumun virusa yoluxmasına, zindanlarda tibbi personel və dərman preparatlarının çatışmazlığına baxmayaraq, zindan rəhbərliyi və məhkəmə sistemi məsulları problemlə bağlı tədbir görmürlər.

Martın 9-da İran Zindanları Təşkilatının başçısı Qulaməli Məhəmmədi sərəncam imzalayaraq təhlükəli məhbusların tibbi və bayram məzuniyyətinə buraxılmalarına qadağa qoyub.

Güneyli fəalın məzuniyyətə buraxılmaması dil və mədəniyyət sahəsində çalışan Nəiminin İran hökumətinin gözündə təhlükəli məhbus olduğunu göstərir.

Qedy edək ki, Qərbi Azərbaycan əyalətinin Xoy şəhərindən olan azərbaycanlı mədəni fəal Əkbər Nəimi iyunun 19-da Təbrizdə həbs edilərək Tehranın Evin həbsxanasına köçürülüb.

Əkbər Nəiminin məhkum olduğu 9 il 8 ay həbs cəzası Apellyasiya Məhkəməsi tərəfindən təsdiqlənib və o Tehranın “Evin” zindanına köçürülüb.
O, “qanunsuz qrupa üzv olmaq”, “milli təhlükəsizliyə qarşı toplaşmaq və əlbir olmaq” və “rejimin müxalif qruplarının xeyrin təbliğat aparmaq” ittihamlarında müvafiq olaraq 5 il, 4 il və 8 ay həbs cəzasına məhkum edilib.

Bununla yanaşı Nəiminin 2 il müddətinə ölkədən xaric olmasına və eləcə də siyasi partiyalara və ictimai qruplara üzv olmasına qadağa qoyulub.

Əkbər Nəimi ötən il yanvarın 22-də çalışdığı İranın milli hava yolları şirkətinin təmir bölməsində tutularaq təxminən 2 ay təhlükəsizlik qüvvələrinin nəzarətində saxlanıldıqdan sonra 200 milyon tümənlik girov qarşılığında Evin Həbsxanasından müvəqqəti olaraq məhkəməyə qədər sərbəst buraxılmışdı.

O, “Evrin” və “Yarpaq” kimi ekologiya və mədəniyyət sahələrində fəaliyyət göstərən qurumların təsisçilərindən və hakimiyyət tərəfindən fəaliyyəti dayandırılan “Günəbaxan Dərnəyi”nin qurucularından biri olub.