“HRANA” ajansının məlumatına görə, Nigar Məsudi “milli əmniyətə qarşı fəaliyyət” və “hökumət əleyhinə fəaliyyət” ittihamları ilə 4 il 8 ay həbs, habelə “pozğunluğa və əxlaqsızlığa təşviq etmə” ittihamı ilə 80 milyon tümən nağd pul cəzasına məhkum edilib. Əfsanə Əzimzadə isə “milli əmniyətə qarşı fəaliyyət” ittihamı ilə 2 il müddətinə azadlıqdan məhrum edilib.
“Ensafnews” veb-saytı xəbər yayaraq bildirib ki, Tehranda “Əmirkəbir” Texnologiya Universitetinin mühafizəçiləri “misli görünməmiş” bir addıma əl ataraq, universitetin ərazisində motosikletli gəşt xidmətinə başlayıblar. Belə ki, sözügedən gəşt xidmətinin məmurları qız öyrəncilərin hicabına və oğlanlarla bir yerdə oturmamasına nəzarət edəcəklər.
gəşt xidmətinin əməkdaşları qaydalara əməl etməyənlərə xatırlatma edərək onların öyrənci kodunu da qeyd edəcəklər.
Aprelin 21-də Türkiyədə yaşayan milli-mədəni fəal Arəş Məkaridustun qardaşı Firudin Məkaridustu idarəyə çağıraraq dindirib.
Təhlükəsizlik məmurları heç bir məhkəmə hökmü olmadan onu telefon vasitəsilə idarəyə çağırıb, sattlarla qardaşının fəaliyyəti barədə surğu-suala tutub və təhdid ediblər.
Fridun Məkaridustun yaxınlarının verdiyi məlumata görə, təhlükəsizlik məmurları Arəş Məkaridustun Türkiyədəki münasibətləri və əlaqələri ilə maraqlanıblar.
Bildirilir ki, fərvərdin ayı ərzində ərzaq, içki və tütün məhsullarında 4,9%, qeyri-ərzaq mallarında və xidmətlərdə isə 2,5%-lik aylıq inflayasiya müşahidə edilib.
Statistika Mərkəzinin məlumatına görə, fərvərdin ayında ötən bir illə müqayisədə “nöqtə inflyasiyası”nın həddi 35,6%-ə çatıb.
Azərbaycan Türk milləti öz coğrafi bölgəsindəki digər azlıqlarla həmişə yaxşı münasibətdə olmuş və onlarla yaxşı münasibət qurmuşdur. Ona görə də Azərbaycan Türkləri qonaqpərvərlik mədəniyyəti ilə məşhurdurlar. Bu tarixi fakta qısaca nəzər salsaq, Azərbaycan Türk millətinin zəngin və bənzərsiz mədəniyyətə malik olduğunu göstərir.
Məhz buna görə də Azərbaycan Türkləri min illər boyu Azərbaycan yaylasında öz mədəni-tarixi varlıqlarını davam etdirə bilmiş, mədəni və iqtisadi inkişafa səbəb olub. Çünki Azərbaycan Türk milləti ətrafındakı bütün toplumlara sülhsevər baxışda idi və onlarla yaxşı münasibət qurmağa çalışırdı. Azərbaycan Türk Milləti digər cəmiyyətlərlə dinc yanaşı yaşamaq prinsipinə sadiq qalaraq onlardan da eyni şeyi gözləyirdi. Təəssüflər olsun ki, millətimizin bu milli-mədəni baxışı həmişə danılmaz xəyanətlərlə üzləşib və bu xəyanətlər hələ də aradan qaldırılmayıb.
Bu baxımdan fars yönümlü zehniyyətlə iç-içə olan, Azərbaycan Türk millətinə qarşı hər cür xəyanət edən pəhləvi və molla rejimlərin ayrı-seçkilik və sistemli siyasətlərinə istinad edə bilərik. Hətta Azərbaycan Türklərinin tarixi torpaqlarını parçalamaq siyasətini həyata keçirərək Azərbaycanı parçalamaq üçün Azərbaycan Türk millətinə qarşı başqa tayfa və etnik qruplarla birləşməyə can atırlar.
Təsadüfi deyil ki, 1979-cu ildə Abdul Rəhman Qasemlounun başçılıq etdiyi Kürdüstan Demokrat Partiyasının üzvləri Sulduz şəhərinə hücum edərək, terror aktları törətməklə Sulduz şəhərinə işğal etməyə cəhd ediblər.
Bu kürd partiyasının rəhbərləri Azərbaycan Türklərinin insanpərvər və sülhsevər baxışlarından sui-istifadə edərək, Sulduzu işğal etməkdən və o şəhərdə etnik təmizləmə aparmaqdan başqa bir məqsədi güdmürdülər.
Əbdül Rəhman Qasimlounun başçılıq etdiyi Kürdüstan Demokrat Partiyası Azərbaycan tarixinin bir hissəsini təcrid etmək kimi acgöz siyasəti ilə qəhrəman Sulduz şəhərinə qorxaqcasına hücum etdi, təəssüf ki, son bir neçə onillikdə pəhləvi mərkəzçi rejimlərinin demoqrafik dəyişikliyi siyasəti bu siyasətə təkan verdi. Amma böyük Türk milləti Azərbaycan bu qorxaq və müttəfiqlərin bu silahlı terror qruplaşmalarına qarşı törətdiyi terror hücumlarına qarşı duraraq Sulduz şəhərinin və onun işğalının qarşısını aldı. Bu faciəli hadisənin üstündən çox keçməsə də, İran İslam Respublikası rejimi etnik təmizləmə və terroru unutdurmağa çalışır.
Güney Azərbaycan Təşkilatlarının Əməkdaşlıq Mərkəzi olaraq Kürdüstan Demokrat Partiyasının terror aktı nəticəsində şəhid olan Sulduz şəhidlərinin xatirəsini ehtiramla yad edir, Azərbaycan Milli Hərəkatının bütün fəallarını vətənimizin ərazi bütövlüyünün qorunmasında ayıq-sayıqlıq və birliyə davam etməyə çağırırıq.
Biz Güney Azərbaycan Təşkilatlarının Əməkdaşlıq Mərkəzi olaraq Azərbaycanın coğrafi ərazisində yaşayan bütün azlıqların hüquqlarına hörmət etməklə yanaşı, kürd partiyalarına, xüsusilə PKK, PJAK kimi terror qruplarına və … quruplara xəbərdarlıq edirik ki Azərbaycan Türkləri Azərbaycan ərazisində terror qruplaşmalarının olmasına və fəaliyyətinə heç bir halda imkan verməyəcək və bu məqsədlə Azərbaycan Milləti bütün varlığı ilə onlarla qarşılaşa
birləşdirəcək.
YAŞASIN AZƏRBAYCAN
Güney Azərbaycan Təşkilatları Əməkdaşlıq Mərkəzi
Azadlıq Cəbhəsi (GAMAC)
Azərbaycan Mərkəz Partiyası (AMP)
Azərbaycan Milli Dirənis Təskilatı (Dirənis)
Azərbaycan Oyrənci Hərəkatı (AZOH)
Guney Azərbaycan Demokrat Partiyası (GADP)
Guney Azərbaycan Istiqlal Partiyası (GAIP)
Guney Azərbaycan Liberal Demokrat Partiyası (GALDP)
Guney Azərbaycan Demokratik Turk Birliyi (GADTB)
Təbriz, Üskü və Tufarqan şəhərlərinin İran parlamentindəki millət vəkili Məsud Pezeşkiyan İranın bölgə və beynəlxalq səviyyədə problemlərinə toxunaraq onların həllinin daxili və xarici qüvvələrlə qarşılıqlı anlaşmada olmadan mümkün olmadığını deyib.
“Bundan öncəki hökumət dövründə Radio və Televizya Şirkəti danışıqlarla bağlı davamlı məlumatlar verir, məsələnin təhlil və müzakirəsinə həsr olunan verilişlər yayınlanırdı. İndi danışıqlarla bağlı doğru xəbər verilmir”-deyə, pezeşkiyan nüvə danışıqları ilə bağlı senzura tətbiq edildiyini bildirib.
Tezliklə dünya ölkələri ilə İranın problemlərinin həlli üçün əməli addımlar atılmasının vacibliyini söyləyib və bunsuz mövcud çətinliklərdən çıxmağın mümkün olmayacağını qeyd edib.
Millət vəkili bununla yanaşı hökumətin iqtisadi siyasətini tənqid edib və bildirib ki, yalnız şüar verməklə əhalinin məişət problemlərini həll etmək, onların süfrəsini zənginləşdirmək mümkün olmayacaq.
“Ən yaxşı komanda hakimiyyətə gəlsə belə, xalqın, bütün təbəqələrin, qrupların iştirakı olmadan heç bir problem həll olunmayacaq”-deyə, Məsud Pezeşkiyan hakimiyyəti inhisarçılıqda günahlandırıb.
O, əsas məsələlərdən birinin qonşu və dünya ölkələri ilə İranın münasibətlərinin normal olmamasını hesab edərək deyib ki, qonşu ölkələrə düşmən gözü ilə baxılmamalı, onlarla danışıq aparılmalı və dövlətin qonşulara qarşı yanaşma tərzi dəyişməlidir.
Təbrizli millət İranın əksinə olaraq Türkiyənin neft və qaz ehtiyatlarına malik olmamasına baxmayaraq inkişafını alqışlayıb və bunu İran hökumətinə nümunə göstərib.
Qərbi Azərbaycan əyalətinin Ətraf Mühitin Mühafizəsi Baş İdarəsinin texniki məsələlər üzrə rəis müavini Höccət Cabbari cari ildə Urmu gölünə buraxılmalı olan 3,4 milyard kubmetr su payının yalnız 700 milyon kubmetrinin verildiyini deyib.
O, hazırkı iqlim şərayiti, yağıntıların miqdari və gölə axan suların vəziyyətini nəzərə alaraq yeni ildə də Urmu gölünün bərpası yönündə müsbət irəliləyişin olmayacağını söyləyib.
Ötən ilin eyni dövrü ilə müqayisədə gölün su həcmi və sahəsinin dahada kiçildiyini deyən Höccət Cabbari, Urmu gölü ətrafında qoruq əraziləri olan gölməçələrdə də ekoloji problemlərin davam edəcəyini bildirib.
Qeyd edək ki, son hesablamalara görə, urmu gölünün 90%-i quruyub və gölün bərpası üçün vəd edilən işlər istənilən yetərli səviyyədə aparılmadığı üçün bölgədə ekoloji problemlər yaşanır.
Son bir neçə həftə ərzində Urmu gölünün qurumuş yatağından başlayan duz fırtınası Qərbi, Şərqi Azərbaycan və Ərdəbil əyalətlərində problemlər yaradıb.
İsrail rəsmisi mətbuata açıqlamasında habelə bildirib ki, Bayden hökumətinin rəsmiləri avropalı həmkarlarına məlumat veriblər ki, Amerika nüvə müzakirələrinin bir hissəsi olaraq Sepah-ın adını terror təşkilatları siyahısından çıxarmaq fikrində deyil. O, sonda qeyd edib ki, İsrail məsələ ilə bağlı danışıqlar prosesinin bir hissəsidir, lakin indiyə qədər yekun nəticə əldə edə bilməyib.
Qeyd edək ki, sosial mediada yayılan bəzi xəbərlərə görə, Bayden hökuməti Sepah-ın təkcə Qüds qanadını terror təşkilatları siyahısında saxlayaraq digər hissəsini həmin siyahıdan çıxarmağı düşünür.
Əslən Güney Azərbaycandan olan və Tokio Olimpiadasının karate üzrə qızıl medalının sahibi Səccad Gənczadə İsrail idmançıları ilə qarşılaşma ehtimalına görə, İran hökumətinin onu turnirə göndərməmədiyi üçün İran hökumət rəsmilərini kəskin tənqid edib.
Əslən Ərdəbilin Biləsuvar bölgəsindən olan 30 yaşlı idmançı özünün sosial media hesabında bununla bağlı paylaşım edərək Portuqaliyada keçiriləcək yarışlara getməsinə icazə verilməməsindən narazılığını bildirib.
“Ömür boyu idman etməyən və bununla maraqlanmayan şəxslərin insana hansı yarışa gedib-getməməsi barədə göstəriş vermələri ağrılıdır. İdman və gənclər nazirinin özünün idmançı olmasına baxmayaraq bu məsələlərə diqqət ayırmır və yalnız öz vəzifəsini qoruyub saxlamaq üçün çalışır”-deyə, güneyli idmançı İranın idman və gənclər naziri Nəsrullah Səccadini tənqid edib.
2020-ci ilin ən mötəbər idman yarışlarından olan çempionata qatıla bilmədiyindən təəssüfləndiyini yazan Gənczadə, bundan sonra ancaq Asiyanın məhdud idman yarışlarında çıxış etməyə məhkum edildiklərindən narahatlığını ifadə edib.
“Aznews tv” xəbər verir ki, bu durumdan narazı olan İranın səhiyyə naziri Bəhram Eynullahi bildirib ki, ölkədə əhalinin sayının artırılması ilə bağlı proqramlar ciddi təbliğatla müşayiət olunmalıdır. Onun sözlərinə görə, ruhanilər Ramazan ayında ölkənin müxtəlif bölgələrinə səfər edirlər, buna görə də fürsətdən istifadə edərək insanlar arasında demoqrafik vəziyyətin böhranlı olması və əhalinin sayının artırılmasının zəruriliyi barədə təbliğat işi aparmalıdırlar.
Nazir əlavə edib ki, digər aylarda da onlar xalqa övlad dünyaya gətirməyin artırılmasının vacibliyindən danışmalıdırlar.
Qeyd edək ki, İranda yoxsulluq və ağır iqtisadi duruma görə əhalinin artımı ötən bir neçə ildə azalıb. Bu üzdən İranın “ali rəhbəri” Əli Xamenei dəfələrlə insanları daha çox uşaq dünyaya gətirməyə çağırıb. Lakin cavanlar və İran xalqı iqtisadi problemlər, eləcə də ölkənin qaranlıq gələcəyi səbəbindən bu çağırışlara məhəl qoymurlar.
Bəzi siyasi fəallar onu istefaya səsləyiblər. Məsələyə münasibət bildirən Qalibafın oğlu sözügedən səfəri təsdiq edib, lakin bunu bacısının və onun ərinin bağışlanmaz səhvi olduğunu bildirib.
Dünən sosial şəbəkələrdə yayılan görüntülərdən sonra məlum olub ki, çoxlu yüklə birlikdə İstanbuldan Tehranın “Xomeyni” hava limanına eniş edən şəxslər məhz Türkiyədən yenicə doğulmuş körpələri üçün alış-verişdən qayıdan Qalibafın xanımı Zəhra Moşir, qızı Məryəm Qalibaf və kürəkəni Əmirrza Bəhirayi olub.
Xatırladaq ki, Qalibaf 2017-ci il seçki debatları zamanı xaricdən uşaq aksesuar və geyimlərinin idxalını sərt tənqid edib
Məhəmməd Kəlami əyalətdə bu problemin həlli və istehsalçıların fəallaşması üçün 30 min milyard tümən vəsaitə ehtiyac olduğunu söyləyib.
Şərqi Azərbaycanda 1200 yarışmçıq layihənin olduğuna toxunan vali müavini onların tamamlanması üçün ötən il əyalətə ayrılan ümumi büdcənin 3 qatına ehtiyac duyduqlarını bildirib.
Qeyd edək ki, bundan bir müddət öncə Şərqi Azərbaycan əyalətinin valisi Zeynəlabdin Rəzəvi Xurrəm (Abdin Xurrəm) əyalətdə yüzlərlə yarımçıq layihənin olduğunu demişdi.
“Ölkənin ən böyük layihələri bizim əyalətin investorları hesabına reallaşdığı bir halda biz özümüz əyalətdə sərmayə qoymağa adam axtarırıq” deyə, Şərqi Azərbaycanın valisi mövcud şəraiti tənqid etmişdi.
Rəisi növbəti dəfə İsraili təhdid edib.
“Əgər İsrail bəzi ölkələrlə münasibətlərini normallaşdırmaq istəyirsə, bilsin ki, ən kiçik hərəkəti belə bizim gözümüzdən qaçmır.
Əgər onlardan ən kiçik xəta görsək, bizim buna cavabımız İsrail rejiminin mərkəzində olacaq və silahlı qüvvələrimiz onları rahat buraxmayacaq”-deyə, Rəisi İran rəsmilərinin ənənəvi sözlərini təkrar edib.
Bir müddət bundan öncə Misir, Birləşmiş Ərəb Əmirlikləri və Mərakeşin xarici işlər nazirlərinin İsrailə səfərindən, İranın təhdidlərin ilə bağlı yeni koalisiyanın yaradılması barədə danışıqlarından sonra Tehran rejiminin hədələyici çıxışları dahada çoxalıb.
Görüşdə İsrailin xarici işlər naziri bu danışıqların İran təhdidlərinə qarşı önləyici tədbirlər görülməsi yönündə vacib addım adlandırıb.
Bununla yanaşı İsrail və Amerika Xarici İşlər Nazirlikləri bəyanat yayaraq bölgədə İranın terror və təxribatlarının qarşısını almaq üçün birgə əməkdaşlığın genişləndirilməsinin zəruriliyini qeyd ediblər.
İran Səhiyyə Sistemi Təşkilatının 1401-ci ildə (miladi-2022) həkim qəbulu xərclərinin 40%-dən çox artırılması təklifi İran cəmiyyətinin böyük bir qisminin səhiyyə xərclərinin artması deməkdir ki, belə olan halda insanlar bu xidmətlərdən yararlana bilməyərək yoxsulluq həddinin altına düşəcəklər.
Aprelin 17-də aksiya keçirən işçilər yeni günəş ilinin başlamasından 28 gün keçməsinə baxmayaraq ötən ildən qalan əmək haqları və başqa ödənişlərin verilmədiyi üçün aksiya keçirmək məcburiyyətində qaldıqlarını deyiblər.
“Neçə ildir şirkət rəhbərliyinin əmək haqları və başqa ödənişləri vaxtında ödəməməsi dəmir yolu işçilərinin çoxunu ağır məişət problemləri ilə üzləşdirib”-deyə, etirazçıların bəyanatında qeyd olunub.
İşçilər dəfələrlə rəhbərliyə müraciət etmələrinə, ödənişlərin olacağı ilə bağlı verilən vədlərə baxmayaraq bu günə kimi heç bir ödəniş olmadığını deyib, rəhbərliyin onlara qarşı saymazlıq etdiyini bildiriblər.
Bir müddət bundan öncə Salmas, Culfa, Tufarqan, Əcəbşir və Mərənd şəhərləri dəmir yolu sistemində çalışanlar bildirib ki, podratçı şirkət əmək haqlarını ödəməyəcəyi, nəzərdə tutulan qanuni haqlarını tanımadığı təqdirdə növbəti dəfə işi tətil etməyə məcbur olacaqlar.
Qeyd edək ki, Azərbaycan Dəmir Yolları Şirkətinin təmir bölməsində 2000 işçi çalışır və onların bir çoxu podratçı şirkətlər tərəfindən müvəqqəti müqavilələrlə işə götürülb.
Reportaj zamanı məlum olub ki, bu işlərlə məşğul olan yaşı 13-50 yaş arasında qadınlar eyni dam altında və eyni həyatı yaşamaq məcburiyyətində qalıb. Onların bu həyatı bəzi şəxslər tərəfindən elə gizli saxlanılır ki, hətta illərdir o binanın yanından keçib gedənlər belə oranın nə olduğunu bilmir. Bura Nadya, Məryəm, Nərgiz, Suheyla və bir çoxları üçün zindan kimidir.
Həmin qadınlar evdən qaçıb sığınacağa gəldikdən sonra burada onların həyatı qaralıb. Onlar arasında Muna adlı qızın 13 yaşı olsa da, 30 yaşlı bir qadın qədər təcrübəli danışır. Onun dediyinə görə, ilk dəfə 11 yaşı olarkən təcavüzə uğrayıb və daha sonra bu acı həyatı yaşamağa məcbur qalıb.
İranın Energetika Nazirliyinin Su Araşdırılması mərkəzinin rəisi Məhəmmədrza Kavianpur son illər İranda yağıntıların kəskin azalması ilə bağlı deyib: “Tərəfimizdən aparılan araşdırmalar göstərir ki, ölkənin hava şəraiti uzunmüddətli dövrlə müqayisədə qənaətbəxş deyil, necə ki, bu ay ərzində yağıntılarda 90% azalma müşahidə edilib”.
Onun sözlərinə görə, cari ilin əvvəlindən bəri ölkədə yağıntıların orta miqdarı müxtəlif məlumatlara görə, 19-27% azalıb.
“Payızda əksər proqnozlar ölkənin bir çox bölgələri üçün normadan az yağıntı göstərir ki, bu da gözlənilən quraqlığın aradan qaldırılması üçün mövcud su ehtiyatlarının səmərəli idarə edilməsinin vacibliyini ikiqat artırır”, – deyə nazirliyin rəsmisi bildirib.
Sözügedən beş nəfər Xameneini və digər hökumət rəsmilərini, o cümlədən Həsən Ruhanini vaksinlərin idxalını əngəlləmək və on minlərlə insanı öldürmək ittihamı ilə məhkəməyə verməyə çalışmışdılar. Həmin şəxslər İranın əmniyət gücləri tərəfindən həbs edilmişdi. Hazırda isə onların bağlı qapılar arxasında mühakimələrinin başlandığı bildirilir.
