İranın türkmənlər yaşayan Gülüstan vilayətinin Ağ Qala bölgəsində iki kəndin sakinləri arasında silahlı qarşıdurma baş verib.

“Aznews tv” xəbər verir ki, ötən gecə baş verən hadisə nəticəsində bir neçə nəfər yaralanıb.

Yerli sakinlərin sözlərinə görə, öncə bir neçə nəfər arasında əkin sahələri arasında su üstündə dava düşüb. Daha sonra bu, onlar arasında ov tüfəngindən istifadə etməklə münaqişəyə çevrilib.

Bildirilir ki, təxminən 2 ildir ki, kənd sakinləri arasında su uğrunda münaqişə var imiş, amma bu günədək bu, davaya çevrilməyibmiş.

Qeyd edək ki, İranda təbii sərvətlərin yanlış idarə edilməsi, yarıtmaz siyasət və digər neqativ hallara görə ölkənin ekologiyasında ciddi problemlər yaranıb. Artıq bir neçə ildir ki, İranın bir çox bölgələrində su problemi səbəbindən rejimə qarşı mitinqlər keçirilir. Lakin problemi həll etməyə qadir olmayan İran hakimiyyəti etirazçıları qətlə yetirməklə aksiyaları yatırmaqla məşğuldur.Video Player00:0000:21

Bu barədə Şərqi azərbaycan əyalətinin Böhran İdarəetmə Mərkəzinin başçısı məlumat verib.

Aprelin 29-da Şərqi Azərbaycan əyalətinin Kəlybər və çaroymaq mahallarında sel və daşqınlar kənd təsərrüfatı, evlər və yollara ciddi xəsarətlər vurub.

Şərqi Azərbaycan əyalətinin Böhran İdarəetmə Mərkəzinin başçısı Məhəmməbaqir Hünərbər mediaya verdiyi açıqlamada daşıqnların bir sıra yaşayış yerləri, yollar, körpülər və kənd təsərrüfatı, bağ sahələrinə xəsarətlər vurduğunu deyib.

Hələlik insan itkisi barədə məlumat daxil olmadığını deyən Hünərbər adı çəkilən bölgələrdə yaşayan əhaliyə xəbərdarlıq edərək onların çay yataqlarından uzaqlaşmalarını tövsiyə edib.

O, dəyən xəsarətin hesablanması üçün başçılıq etdiyi mərkəz tərəfindən hadisə yerinə mütəxəssislərin göndərildiyini bildirib

Məktəblər və dövlət idarələri bağlanıb.

İranın Ələhvaz əyalətində güclü toz fırtınası həyatı iflic edib və məktəblərlə yanaşı bir sıra dövlət idarələridə tətil edilib.

Ələhvaz əyalətinin Təhsil İdarəsinin verdiyi açıqlamaya görə, aprel ayının 30-da əyalətin 6 şəhərində Dəşt-iAzadeqan, Huveyzə, Həmidiyyə, Əhvaz, Karun və Bavi şəhərlərində bütün təhsil ocaqlarının fəaliyyəti dayandırılıb.

Əyalətdə toz fırtınalarının yaranmasının əsas səbəblərindən biri su qaynaqlarının tükənməsi, çayların və göllərin qurumasıdır.

Qeyd edək ki, aprel ayının əvvəlindən başlayaraq İranın bir neçə əyaləti ilə yanaşı Qərbi, Şərqi Azərbaycan əyalətlərində də toz və duz fırtınası ekoloji problemlərin yaranmasına səbəb olub.

Xüsusilə Urmu gölünün qurumuş yatağından qalxan duz fırtınaları ekoloji problemlərlə yanaşı bölgə əhalisində tənəffüs problemlərinin yaranması və kənd təsərrüfatının ciddi ziyan görməsi ilə nəticələnib.

Bu barədə əyalətin Əmək və Sosial Rifah İdarəsinin başçısı məlumat verib.

Şərqi Azərbaycan əyalətinin Əmək və Sosial Rifah İdarəsinin başçısı Hüseyn Fəthipur, aprelin 28-də Şərqi Azərbaycan əyalətində əmək və işəgötürən təşkilatları nümayəndələrinin iclasında çıxışı zamanı bölgədə işsizlik göstəricilərinin artmasından danışıb.

O, əyalətdə mütəxəssislərin çox olmasına baxmayaraq bir sıra problemlər üzündən işsizlik səviyyəsinin azaldılmasının mümkün olmadığını və Şərqi Azərbaycanda Universitet məzunlarının 55%-nin işsiz olduğunu bildirib.

Bundan öncə oxşar problemlə bağlı çıxış edən Əhər və Heris şəhərlərinin İran parlamentindəki nümayəndəsi Əhməd Məhərrəmzadə də, Şərqi Azərbaycanda işsizliyin ciddi problemə çevrildiyini deyib.

Bölgədə müxtəlif infrastruktur problemlərinin olduğunu vurğulayan millət vəkili bildirib ki, sərmayə cəlb olunması, yeni iş yerlərinin açılması üçün yetərli tədbirlər görülmür.

Şərqi Azərbaycan və Gənclər Baş İdarəsinin gənclər və mədəniyyət işləri üzrə müavini Əmir Tağızadə aparılan sorğulara əsaslanaraq əyalət gənclərinin əksəriyyətinin işsizlik və iqtisadi durumun ağır olmasından gileyləndiklərini demişdi.

“2200 azərbaycanlı gənc arasında keçirdiyimiz sorğunun nəticələrinə görə, gənclərin 69.5%-i əsas qayğılarının iqtisadi problemlər və maliyyə çatışmazlıqları olduğunu deyiblər”-deyə, Tağzadə bildirib.

Qərbi Azərbaycan əyalətinin valisi Məhəmmədsadiq Mötəmediyan Urmunun inzibati ərazi bölgüsünə daxil olan Ənzəl mahalının Göyərçin qala kəndində əhali ilə görüş keçirib

Görüşdə su qıtlığı çəkən kəndlilər problemi valinin diqqətinə çatdırıblar.

Yerli əhali mahalın bir çox knd və qəsəbələrində su çatışmazlığından gileylənib, bu səbəbdən bölgədən ölkənin başqa yerlərinə köçün çoxaldığını deyiblər.

Kəndlilərin çoxsaylı etiraz və narazılıqlarına cavab olaraq vali problemin ciddi olduğunu etiraf edib və məsələnin həlli ilə bağlı əlaqədar qurumlara məlumat verəcəyi barədə vədləri təkrarlayıb.

Qeyd edək ki, bundan bir neçə gün öncə Ənzəlin ən böyük və tarixi kəndi olan Quluncuda da su çatışmazlığı səbəbindən yerli əhalinin məcburi köç etdiyi barədə məlumatlar yayılıb.

Sünni məzhəbli türklərdən ibarət və bölgədə xüsusi önəmə sahib Quluncuda içməli su çatışmazlığı illərdir ki kəndlilərin əsas problemlərindən biri imi həll olunmamış qalır.

Kəndin yaxınlığında, qum təpəsin ətəyində mövcud olan iki kəhriz əhalinin əsas içməli su qaynağı olmasına baxmayaraq, kəndlilər su ehtiyaclarını təmin etmək üçün orada saatlarla növbədə dayanmalı olurlar.

Quluncu kəndinin əhalisi bütün bu baş verənlərin bilərəkdən edildiyini və hansısa güclərin onların kəndi tərk etmələri üçün çalışdıqlarını deyirlər.

Qeyd edək ki, Quluncu kəndi xüsusilə 1918-19-cu illərdə cilovlar və kürdlərin türkərə qarşı hücumlarını qarşısını almaq üçün Osmanlı ordusunun qərargahı olub.

Bununla yanaşı kənd Hacı Qılıncxan, Məhəmmədəli Bozqurd (Qazi Bozqurd) və Dədə Katib kimi tanınmış şəxsiyyətlərin yurdu olub.

Hazırda Quluncu kəndi Qərbi Azərbaycan əyalətində milli oyanış və fəaliyyətlərin əsas mərkəzlərindən biri kimi tanındığı üçün daima təhlükəsizlik idarəsinin nəzarəti, fəalları isə təzyiqlər altında olub.

İRNA ajansı Gilan vilayətinin Səravan kəndində zibil yığılması probleminin həll olunmamasına etiraz edən 22 nəfərin tutulduğunu bildirib. Məlumata əsasən, polis Səravan kəndində zibil toplama mərkəzinin açılmasına mane olan əhali ilə qarşıdurmaya gedib.

Əldə edilən xəbərə görə, kəndin onlarla sakini ötən gün zibilin düzgün yığılmamasına qarşı etirazlarının 20-ci günündə zibil toplanma mərkəzinin giriş qapısına toplaşaraq, zibil daşıyan maşınların mərkəzə girişinə mane olub.

Sosial şəbəkələrdə yayılan bəzi videolara görə, etirazçılar öncə dinc şüarlar səsləndirsələr də, bir neçə saat sonra polisin sadə insanlara hücumu ilə aksiya zorakılığa çevrilib və etirazlarda 22 nəfərin həbs edildiyi bildirilib.

Təbrizin “Maşinsazi” futbol klubu dağılmaq üzrədir. “Fars” xəbər agentliyi “Maşinsazi”nin ofisinin möhürləndiyini bildirib.

Agentlik bunun xüsusi şikayətçinin iddiası əsasında prokurorluq məmurları tərəfindən həyata keçirildiyini bildirib.

Klubun hüquqi müşaviri Məhəmmədhəsən Xətibi mediaya verdiyi açıqlamada klubun ofisinin bağlandığını təsdiq edib. O, komandanın fəaliyyətinin mümkün olacağını istisna etməyib.

Lakin yerli sosial media istifadəçiləri və klub tərəfdarları ofisin möhürlənməsinin “Maşinsazi”nin fəaliyyətinin dayandırılması üçün edildiyini yazıblar.

Klubun baş məşqçisi Əli İbrahimiyan isə klubun fəaliyyət göstərib-göstərməyəcəyi barədə suala açıq cavab verməkdən çəkinib.

“Ümid edirəm ki, əlaqədar məsullar Azərbaycanın ən qədim və köklü idman klubunun ağır durumdan çıxmasına dəstək verəcək və onun dağılmasına imkan verməyəcəklər”-deyə, baş məşqçi bildirib.

Martın əvvəlində klubda çıxış edən idmançılar aylardır heç bir əmək haqqı almadıqlarını bildiribmiş, klub rəhbərliyinə xəbərdarlıq etmişdilər.

“Maşinsazi” klubu bir neçə ildir ki, maliyyə problemləri səbəbindən acınacaqlı duruma düşüb və son bir neçə ildə fəaliyyəti dayandırılıb.

Yanvarın 4-də Təbrizin İran parlamentindəki bir neçə nümayəndəsi, Milli Mis Şirkətinin rəhbəri, İranın Sənaye, Mədən və Ticarət naziri və Şərqi Azərbaycan əyalətinin valisi Zeynəlabdin Rəzəvi Xurrəmin iştirakı ilə keçirilən toplantıda “Maşinsazi” və “Traxtur” klublarının İran Milli Mis Şirkətinin malikiyyətinə verilməsi barədə saziş imzalanıb.

Azərbaycan klublarının maliyyə problemlərinin həll ediləcəyinə söz verilməsinə baxmayaraq, bu günə kimi bu yerinə yetirilməyib və bir sıra fars millət vəkilləri “İran Milli Mis Şirkəti”nin  Azərbaycan klublarına büdcə ayırmasına imkan verməyəcəklərini bildiriblər.

Qərbi Azərbaycan əyalətinin Qoşaçay mahalının Baruq şəhərində 4 qadın bıçaqlanaraq qətlə yetirilib.

Bu barədə şəhər prokuroru Cahangir Məsudi açıqlama verib. Onun sözlərinə görə, qatil saxlanılıb və olayla bağlı araşdırmalar aparılır.

Qətl hadisəsinin narkotik maddələrə meylli şəxs tərəfindən həyata keçirildiyini iddia edən prokuror yeniyetmə oğlan uşağının da bıçaq zərbələri aldığı üçün xəstəxanaya köşürüldüyünü bildirib.

Amerika Konqresinin bir neçə respublikaçı üzvü Co Baydendən İrana etdiyi güzəştlər barədə ictimaiyyəti məlumatlandırmağı tələb edib.

Onlar Amerika prezidentinə göndərdikləri məktubda İranla “gizli diplomatiya”nın davam etdirilməsindən bezdiklərini vurğulayıblar.

Konqresmenlər aprelin 27-də mühafizəkarlara yaxın “The Washington Free Beacon” saytında dərc edilən bu məktubda Co Bayden hökumətini nüvə anlaşmasını dirçəltmək üçün “dünyanın ən böyük terror dəstəkçisi”nə etdiyi güzəştlər barədə ictimaiyyəti açıq və şəffaf şəkildə məlumatlandırmağa çağırıblar.

Məktubun müəllifləri İran hökumətinin SEPAH-ın terror təşkilatları siyahısından çıxarılması və Vyana danışıqlarının dayandırılması tələbinə cavab olaraq Ağ Evi diplomatik danışıqların vəziyyəti barədə Konqresə və ictimaiyyətə məlumat verməyə səsləyiblər.

Təbrizin “Pəyam-e Nur” Universitetinin öyrənciləri etiraz aksiyası keçirib. Onlar Universitet rəhbərliyi və Təhsil Nazirliyinin onlara əlavə problemlər yaratdığnı deyiblər.

Narazı tələbələr buraxılış imtahanlarında iştirakla bağlı yeni qaydaların tətbiqinin problemlər yaratdığını deyib. Universitetdə mədəni tədbirlərin keçirilməsinə icazə verilməməsinə etiraz edən tələbələr plakatlar qaldırıblar.

Bununla yanaşı, onlar təhsilin onlayn şəkildə aparıldığı üçün buraxılış imtahanlarının da onlayn keçirilməsini tələb ediblər. Narazılar əllərində “Universitetlər talandı, öyrənci, oyan amandı” məzmunlu türkcə şüarlar yazılmış plakatlar qaldırıblar.

Video Player00:0000:22Video Player00:00

Şərqi Azərbaycan əyalətinin Apellyasiya Məhkəməsi övladına Türkay adı ilə şəxsiyyət vəsiqəsi ala bilməyə ailənin şikayətini təmin edib.

Məhkəmə hökmündə Türkay adının “qadağa olunmuş adlardan olmadığı” qeyd edilib.

Bu barədə Təbrizdə fəaliyyət göstərən vəkil Sina Yusufi məlumat verib. O, apellyasiya məkməsinin çıxardığı qərarın surətini öz tvitter hesabında paylaşıb.

Qeyd edək ki, Qeydiyyat İdarəsi Şərqi Azərbaycan əyalətinin Mərənd şəhərində yaşayan ailənin övladına türkcə ad ilə şəxsiyyət vəsiqəsi verməkdən imtina edib.

Bundan sonra  ailə Mərənd şəhərinin ümumi məhkəməsinə müraciət edib.

Mərənd məhkəməsi Qeydiyyat İdarəsinin lehinə qərar çıxardığı üçün ailə əyalətin apellyasiya məhkəməsinə şikayət məktubu yazmağa məcbur olub.

“Ad seçimi ərizəçinin qanuni hüquqlarından biridir. Seçilən ad isə qadağa olunmuş adlardan deyil və bundan əvvəl də qeydiyyatdan keçib. Bununla belə, ilkin məhkəmənin hökmünün ləğvinə və qeydiyyat idarəsinin Türkay adına şəxsiyyət vəsiqə verməsinəqərar verilir”-Apellyasiya məhkəməsinin çıxardığı qərarda belə deyilir.

Qeyd edək ki, Güney Azərbaycanda Türkay adı daha əvvəl də məhkəmə qərarı ilə qeydiyyatdan keçib. 2021-ci ilin iyun ayında Təbrizin ümumi məhkəməsi Türkay adı ilə şəxsiyyət vəsiqəsi ala bilməyən başqa bir ailənin şikayətini qəbul etmişdi.

İran Qeydiyyat İdarəsinin azərbaycanlı uşaqlara türk adlarına görə kimlik vəsiqəsi verməməsi valideynlərin etirazları ilə qarşılanır və onlar məsələni sosial mediada ictimailəşdirməyə məcbur olurlar.

“Ayıl”, “Sevgi”, “Yağış”, “Anar”, “Atakan”, “Oğuz”, “Türkay”, “Elcan”, “Tarkan” və başqa bu kimi türk adlarının qoyulduğu uşaqlara sənəd verilmədiyi üçün valideynləri məhkəmələrə müraciə edib, sosial mediada etirazlarını bildiriblər.

Bir müddət öncə Ərdəbil zindanından tibbi məzuniyyətə buraxılan tanınmış milli-mədəni fəal, siyasi məhbus Abbas Lisani aprelin 25-da Təbrizin “Vəliəsr” xəstəxanasında yenidən bel diskindən əməliyyat olunub.

Bundan öncə o, aprelin 9-da eyni xəstəxanada əməliyyat olunub.

Həkimlər cərrahi lazer əməliyyatından sonra güney azərbaycanlı fəala yenidən təxminən 1 aya yaxın hərəkət etməməyi, tam istirahət etməyi və əməliyyatın nəticəsindən arxayın olmaq üçün yenidən müayinədən keçməyi tövsiyə edib.

Siyasi məhbus Abbas Lisani üç nəfərdən ibarət məhkəmə-tibb komissiyasından cavab aldıqdan sonra 13 fevralda 6 ay müddətinə tibbi məzuniyyətə buraxılıb.

Lisanini müayinə edən və Tibbi Ekspertiza Mərkəzinin həkimləri onun fəqərə sütununda ciddi problemlərin olduğunu, uzun müddətli müalicəyə ehtiyacı olduğunu qeyd ediblər.

“Ona altı ay müddətində cəzaçəkmə müəssisəsindən kənarda müalicə imkanı verilməli, bu müddət ərzində lazımi tibbi prosedurlar və cərrahi əməliyyatlar aparılmalı, qeyd olunan müddət bitdikdən sonra yenidən müayinəyə göndərilməlidir”-deyə, həkimlərin rəyində bildirilib.

Zəngan əyalətinin Əbhər şəhərindən olan müəllim və ictimai fəal Əhməd Təqəvi həbs olunub.

Bu barədə insan haqları təşkilatları və sosial media fəalları məlumat yayıb.

Məlumata görə,  aprelin 25-də İran hökumətinin təhlükəsizlik məmurlarının müəllimin evinə qanunsuz basqın edib və onu qandallayaraq naməlum istiqamətə aparıb.
Güneyli müəllimin mayın 1-də təyin olunmuş ümumölkə mitinqi ilə əlaqədar saxlanldığını bildirib.

O, bütün müəllimləri İran Müəllimlər Birliyinin etiraz aksiyalarına qoşulmağa çağırıb.

Qeyd edək ki, İran Müəllimlər Birliyi aprelin 24-də bəyanat yayaraq mayın 1-də yerli vaxtla saat 10:00-da bütün şəhərlərdə yerli Təhsil İdarələrinin qarşısında, Tehranda isə parlament binasının qarşısında mitinq keçirəcəklərini bildiriblər.

“Bu il ölkədə iqtisadi və ictimai durum ötən illə müqayisədə daha pis olacaq”- Bunu Təbriz, Üskü və Tufarqan şəhərlərindən İran parlamentinə seçilmiş Məsud Pezeşkiyan bildirib.

Məsud Pezeşkian cari ildə ölkənin iqtisadi və ictimai həyatındakı vəziyyətin ötən illə müqayisədə daha da pis və çətin olacağını deyib.  Pezeşkiyan bu barədə “ruydad-24” saytına açıqlamasında bildirib.

“İbrahim Rəisinin hakimiyyətə gəlməsindən artıq 9 ay keçib və burada “Keyhan” qəzetinin rəhbəri Hüseyn Şəriətmədarinin kinayəli olaraq dediyi “demək olar ki, heç nə” ifadəsini işlətmək yerinə düşərdi”-deyə, Pezeşkiyan yeni hökumətin heç bir uğurlu addım atmadığını bildirib.

Təbrizli millət vəkili İbrahim Rəisinin prezident olmasından sonra dəfələrlə sərt çıxışlar edib, yeni hökumətin verdiyi vədlərin içi boş şüarlardan ibarət olduğunu söyləyib.

Ötən həftə mediaya müsahibə verən Məsud Pezeşkiyan İranın bölgə və beynəlxalq səviyyədə problemlərinə toxunaraq onların həllinin daxili və xarici qüvvələrlə qarşılıqlı anlaşmada olmadan mümkün olmadığını deyib.

Millət vəkili bununla yanaşı hökumətin iqtisadi siyasətini tənqid edib və bildirib ki, yalnız şüar verməklə əhalinin məişət problemlərini həll etmək, onların süfrəsini zənginləşdirmək mümkün olmayacaq.

“Ən yaxşı komanda hakimiyyətə gəlsə belə, xalqın, bütün təbəqələrin, qrupların iştirakı olmadan heç bir problem həll olunmayacaq”-deyə, Məsud Pezeşkiyan hakimiyyəti inhisarçılıqda günahlandırıb.

Bu barədə əyalətin İdarəetmə və Planlaşdırma Təşkilatının Statistika və İnformasiya üzrə müavini məlumat verib.

Ərdəbil əyalətinin İdarəetmə və Planlaşdırma Təşkilatının Statistika və İnformasiya üzrə müavini Fəriborz dehqanın verdiyi məlumata görə, ötən qış mövsümündə ölkə üzrə işsizlik səviyyəsi 9,4 faiz olduğu halda, Ərdəbil əyalətində bu rəqəm 14 faiz təşkil edib və bununlada əyalətdə işsizlik səviyyəsi ölkə üzrə orta səviyyədən 4,6 faiz yüksəkdir.

Keçən mart ayında Ərdəbil rəsmiləri 2021-ci ilin qış mövsümündə işsizlik səviyyəsinin 12 faiz olduğunu bildirmişdi.

Bu rəqəm 2022-ci ilin qış mövsümündə 2 faiz yüksələrək 14 faiz olub. Bu müddət ərzində ölkədə işsizlik səviyyəsi 8,2 faizdən 9,4-ə yüksəlib. Bu rəqəmlər göstərir ki, son bir ildə əyalətdə işsizlik səviyyəsi ölkə üzrə orta göstəricidən daha çox artıb.

Dehqanın dediyinə görə, Ərdəbil əyalətində işsizlik səviyyəsinə görə ölkənin əyalətləri arasında 5-ci yerdədir. Ərdəbildən əvvəl işsizliyin ən yüksək səviyyədə olduğu əyalətlər müvafiq olaraq Qərbi Azərbaycan, Kirmanşah, Kürdüstan və Loristandır.

Qeyd edək ki, İran mediasında açıqlanan son məlumata görə, yoxsulluq göstəricilərinə görə, Ərdəbil 31 əyalət arasında 6-cı yeri tutur.

Amerika dövlət katibinin İran və İraq üzrə müavini mətbuata açıqlamasında Tehranın İraqdakı dağıdıcı nüfuzu ilə bağlı dərin narahatçılığını ifadə edərək bildirib ki, İran rejimi İraqdakı proksi (niyabəti) qruplaşmalara dəstəyini dayandırmalı və bu ölkənin, habelə bölgənin sabitliyinin pozulmasındakı iştirakını danmaqdan əl çəkməlidir.

Cennifer Qavito aprelin 22-dəki açıqlamasında habelə qeyd edib: “Prezidenti Co Bayden açıq şəkildə elan edib ki, Amerika İranla problemləri diplomatiya ilə həll etmək istəyir”.

“İraqdan kənardan göstəriş alan proksi qruplaşmalarının hücumları İraq hökumətini zəiflədir və bu hücumlar İraqın və bölgənin sabitliyinin pozulmasına xidmət edir”, – deyə dövlət katibinin müavini əlavə edib.

Waşington’da yaşayan Türklər qondarma soyqirimina etirazlar etdilər

Türk Toplulukları Özəllikle Dünya Azərbaycan Türkləri olaraq, Geçmişimizi Anmaq  üçün , Gerçəkləri ortaya qoymaq üçün Buradayız , Dünyanın Göz önündə  Doğrudan Doğruları Sərgiləmək üçün Ayrıca  Doğruları Açılamaq üçün Her il Washington DC Toplaşarak Bir Güç olduq

24 Nisan, Türklerin Anma və  Dayanışma Günü olarak Bir araya Gəldik, Buluşduq və   Etkinliklərə qatılmaq  Yüksək Səsləri ilə Haykırmaq və Bağıraraq buna görə  Ermənilər və onların arxasında olan pislik güclər alçaq siyasətlərini Türklərə  qarşı her an ortaya qoymuşlar ancak nə yazar? Bu yüz iin içində Ermənilər arxadan dönüb vurmaqlarına baxsınlar 1915 Anadolu’da ayaqlandılar hər yeri yağmaladılar qanlı bir biçimdə  Güney Azərbaycan’da soyqırım yaparaq  Urmunu qan gölünə çevirdilər sonra quzey Azərbaycan’a girdilər acımasızcasına qanlar döktülər evlər yıxtılar büyük suç işledilər ancak yaptıklarından utanmadılar gerçəklərə  qapaq  qoydular, indi sözdə adlanan Soyqırım qonusunu gündəmdə tutmuşlar , ancak kim-kimə soyqırım yapmış gərçəklər ortadır , Erməninin arxasında kimlər var aydındır hər nə var ortalıqtadır Türk  Dünyası olarak şanımızı sanımızı varlığımızı qorumak bizim Milli borcumuzdur.

Sözdə Erməni soyqırımı yalanı’na qarşı təpki göstərmək  , səsimizi daha güclü çıxarmaq üçün güçlü olma çağıdır, Erməni və  qaranlıq ötəsində Erməni arxasında olan güclərə dur demək , Erməni gücünə güc qatanlar Varsa…!Türklərində bir güclü Turanı vardır, düşmanın yalanlarına dünya Türkləri olaraq yol verməmək buna görə biz Türküz, bir geniş toprağın yurtluğun seçtik- Türk Dilin Varlığın Sağlığın Seçtik

dəyrli izləyicilər birliktə bu anlari izləyək

Sepah-ın baş komandanının müavini Əli Fədəvi qəribə açıqlaması ilə gündəmə gəlib. Belə ki, o, iddia dib ki, ölkəni bürümüş yoxsulluq, işsizlik, 40%-dən artıq inflyasiya və daha yüzlərlə problemin səbəbinin hakimiyyət nümayəndələri ilə heç bir əlaqəsi yoxdur və bütün bunlar “Allahın narazılığı”nın nəticəsidir.

Əli Fədəvi qarətçi İran rejiminin vətəndaşların əsas ehtiyaclarını ödəməkdə və ölkəni yoxsul iqtisadi vəziyyətdən çıxarmaqda acizliyinə haqq qazandırmaq üçün Allahı bəhanə olaraq gətirib.