Avstriya kansleri: “Putin Zelenskinin təkbətək görüş təklifinə reaksiya vermədi”

Avstriya kansleri: “Putin Zelenskinin təkbətək görüş təklifinə reaksiya vermədi”

Yorum yokAvstriya kansleri: “Putin Zelenskinin təkbətək görüş təklifinə reaksiya vermədi”
Avstriya kansleri Karl Nehammer Rusiya Prezidenti Vladimir Putinə Ukrayna Prezidenti Volodimir Zelenskinin onunla təkbətək danışıqlar aparmaq istədiyini bildirib.

“Report” xəbər verir ki, bu barədə Avstriya kansleri Putinlə danışıqlardan sonra bildirib.

“Ona bunu da dedim ki, Prezident Zelenski danışıqlar aparmaq üçün onunla birbaşa əlaqə qurmaq istəyir. Lakin buna ciddi reaksiya verilmədi”, – Nehammer Moskvada Putinlə danışıqlardan sonra avstriyalı jurnalistlər üçün keçirdiyi brifinqdə deyib.

Nehammer Ukraynada hərbi xüsusi əməliyyat başlayandan sonra Avropa İttifaqının Rusiya lideri ilə danışıqlar aparan ölkəsinin ilk hökumət başçısı olub. Qeyd edək ki, bundan əvvəl Avstriya kansleri Kiyevdə Ukrayna Prezidenti Volodimir Zelenski ilə danışıqlar aparıb.

Putinlə görüşdən dərhal sonra kansler Ofisinin geniş yayılmış bəyanatına görə, Ukraynanın şərqində döyüşlərin gözlənilən intensivləşməsi ilə əlaqədar Moskvaya səfəri ilə üç əsas humanitar məqsədə nail olmaq istəyib: hərbi əməliyyatların dərhal dayandırılması, əhalinin yaralı və həssas qruplarının təxliyəsi üçün humanitar dəhlizlərin yaradılması, Beynəlxalq Qızıl Xaç Komitəsi və digər

humanitar təşkilatlar tərəfindən humanitar yardımın əldə edilməsi.

Yazar Azadliq.az /TURKISHFORUM – ABDULLAH TÜRER YENER