ƏSAS MƏQSƏD TARIXI AZƏRBAYCAN TORPAQLARINDA DEMOQRAFIK TƏRKIBI DƏYIŞMƏKDIR

ƏSAS MƏQSƏD TARIXI AZƏRBAYCAN TORPAQLARINDA DEMOQRAFIK TƏRKIBI DƏYIŞMƏKDIR

Tehran şəhərindən 5 milyon əhalinin köçürüləcəyi ilə bağlı açıqlama verən İran prezdenti Əhmədi Nejdat bu addımı zəlzələ baş verəcəyi halda əhalinin təhlükəsizliyi ilə izzah etmişdir.

Bu haqda Dünya Azərbaycanlıları Konqresi Strateji Araşdırmalar Mərkəzinə açıqlama verən Ümid Partiyasının sədr müavini, politoloq Taleh Əliyev hesab edir ki, Əhmədi Nejdatın bu açıqlamasının gerçək səbəbi molla rejimin süqutundan sonra İranın parçalanma ehtimalının böyük olmasıdır. Əhmədi Nejdat başda olmaqla müasir fars elitası düşünür ki, molla rejimi çökdükdən sonra ölkədəki azsaylı xalqlar xususilə də Azərbaycanlılar yeni İran dövləti uğrunda yox öz müstəqillikləri uğrunda fəal mübarizə aparacaqlar. Ona görə də Azərbaycanlıların daha kompakt yaşadığı tarixi Azərbaycan torpaqlarında əhalinin demoqrafik tərkibini dəyişmək barədə belə qeyri-real planlar irəli sürürlər. Yüz ilə yaxın müddət ərzində Azərbaycanlılara öz dillərində yazıb-oxumağı, öz milli mədəniyyətini və musiqisini yaşadmağı qadağan edən, fars imperalizmi bununla bir şeyə nail ola bilmədiyini görüb öz imperiyalarını qoruyub saxlamaq üçün daha təhlükəli senarilər üzərində iş aparırlar. Daha çox fars təfəkkürlü olan Tehran əhalisinin bir qisminin təhlükəsizlik adı altında köçürülməsində də əsas məqsəd tarixi Azərbaycan torpaqlarında demoqrafik tərkibi dəyişməkdir. Baxmayaraq ki, bundan əvvəl molla rejimi tərəfindən tarixi Azərbaycan torpaqları bir neçə vilayətə bölünüb, hətda bir qisim ərazilər əsasən başqa xalqların yaşadığı vilayətlərə birləşdirilib, amma fars imperalizmi çox gözəl anlayır ki, sabah imperiya söksə həmin ərazilərdə vahid Azərbaycan dövləti yaranacaq. Hesab edirəm ki, güneyli qardaşlarımız rejimin geçək məqsədindən xəbərdar olaraq bu prosesə mane olacaqlar. Bu ideyanın özü fars imperalizminin öz məğlubiyyətilə barışmasını bir daha sübut edir.